Дешхьалхе Аллах1а ц1арца дозадоцуш шорта а , даимна а болу къинхетаман Да волчу Сийлахь къуръан - вайн везачу Дала , Шен халкъанна совг1ат дина , сийлахьчу Мухьаммад - элчана /Делера къинхетам а , маршо а хуьлда цунна/ карахула вайна елла хазна ю . Ткъа и хазна Дала схьамайаллара хаза , кхачаме , кхетаме куьцахь билгалъярца д1акхачийна вайн элчано цу Делан халкъе . Вай тешна долуш , везачу вайн Дала бес-бесар къаьмнаш кхоьллина х1окху Шена лолла дан еллачу дуьненан х1усаман куран к1елахь , цхьана дех-ненах шаьш схьадовлийтина . Иштта , х1ор къоманна юкъара дахаран кхетар аьттонна ша кепара мотт а белла . Тхан белхан 1алашо - Аллах1ан лераме дош , вайна Дала совг1ат дина беллачу , хазчу ненан маттахь д1акховдор ю , бакъду оцу т1ехь аьтто хилар Делехь ду . Х1ара тхан болх х1окху интернет-корехула кховдоран 1алашо халкъанна дагчу бужучу ненан маттахь Делан дош д1акховдор а , довзийтар а хилла ца 1еш , иштта вайн махкара Делан къинхетамца кхиъна а , кхуьучу а 1илманчех ницкъ кхочучу барамехь дагадовла а , х1ара болх 1еламнехан юкъара декхар хилар т1ехь само хилийта а , массара а жигар дакъа лаца дезар д1ахаийта а , х1ара дозадоцуш жоьпалле а къинхьегаме а мохь цхьана бахьа безарна т1е уьш товжо а ю . Амма бакъдолуш тхо тешна ду , Дала Ша реза волчу новкъахь вайн аьтто бийриг хиларх . Дела виц ма велаш ! Далла а дицлур дац шу . Делан новкъахь хилалуш , цкъа а оьшур дац шу. Доккха дехар ду шайн хьехарш , кхетамаш , т1етохарш , иштта пайден зеделларш а , вайнехан маттара къуранах боьзна 1илман белхаш а тхан ц1ар т1е схьатасар : adamson@hotmail.fr Вассаламу 1ала маниттаба1алх1уда
|